Sony FE 鏡頭系列簡評 (Updated:8)

本帖最後由 viewfinder 於 2023-10-13 09:01 AM 編輯

我都玩過唔少 Sony full frame 鏡頭, 有 d 用過好多次, 有啲只玩過一二次.

1. Sony 16-35mm GM F2.8 呢支真強, 俾我深刻印象. 由 16 sharp 到落 35, 可以當一支定焦用. 色彩和對焦都好好, 但色水略為傾向濃烈. 缺點 16mm 有時變型嚴重, 其次太大和重, 價格極其昂貴, 而家細鋪行貨都賣緊 $12730.

2. Sony 24-105mm F4 G. 呢支屬於高階 G Lens, 質素好高, 清晰度有力挑戰部份 GM 和平價 Zeiss(假蔡). 由 24 sharp 到 85, 係 105mm 畫質稍稍下降但不明顯. 全焦段變型也不太覺, 對焦都快和準, 色水有少少濃但又恰到好處. 最大缺點得 F4 和高大上, 因為重量和體積與 1635GM 不相上下. 如果覺得有少少唔夠清, 收光圈 F5, zoom range 唔過 70mm, 銳利度同 details 都會提昇一級. 但 F5 真係只限日光影相.

3. Sony 16-35mm F4 Zeiss 呢支係 Sony 自已既 1635GM 平價版. 我只係玩過一陣, 評語不多. 清昕度都高, 但會比 1635GM 略為差一點點. 如果唔需要用 ultra wide 16mm, 不如比多五舊水要 24-105G 好過.

4. Tamron 17-28mm F2.8 係一支副廠 1635GM 平價版.  比 1635GM 輕細 33%, 價錢平一半有多. Tamron 鏡 AF-S 一向稍慢, 但呢支 AF-C 同 Sony 鏡速度接近一樣, 比較大缺點係暗位對焦稍弱. 色水硬要講係清淡少少但分別不大(可能仲係優點), 同是 F2.8 但通光量比 1635GM 亮上大約 1.66EV. 單純講銳利度由 17 sharp 到 28mm, 但 F2.8 放大睇有少少唔夠紮實, details 會差少少. 夠光情況下收光圈到 F5.6 問題大致解決, 但低光有 F2.8 始終比 1635F4 優勝. 17mm 變型有時嚴重, 但 1635GM 唔好得幾多. 總結一支性價比極高鏡頭, 買唔起 1635GM 呢支首選, 一定比 1635GM 差一個 grade, 但夠買二支有找, 無投訴啦. 但要留意支鏡食唔晒 A7 IV 33MP 解像力, 有待傳聞中既高像素版 17-28 G2 推出.

5. Sony 24mm GM F1.4 呢支網上好多好評, 但我唔係咁睇. 同一部機, 大約同一個時間地點測試, 我覺得支鏡有少少 soft, 收光圈到 F2.8 似乎都唔夠 1635GM 銳利, 除非收到 F4. 所以呢支鏡其實係針對極低光環境, 或者拍片專用(因為要提高快門速度). 如果正常影相無需要用到 F1.4, 我未必會揀佢. 咁當然佢係變型控制, 色水, 對焦各方面都唔會差既.

6. Sony 28mm F2 + SEL075UWC(超廣角轉接鏡) 21mm F2.8. 本體係一支 28mm F2 加個 wide angle 係前面有 21mm F2.8 我唔明網上點解多負評. 我覺得佢係 sharp 既, 色水同變型唔覺有問題, 係或者對焦差少少.

7. Sony 55mm F1.8 FA Zeiss 一如網上一致好評, 我覺得佢係幾正, 夠 sharp 各方面都好, 四千蚊性價比高. 散景有 d 洋蔥圈, 但整體合格. 睇 exif 支鏡原生可能係 F1.695, 行 F1.8 全開光圈已經好 sharp. 高反差地方出名有紫邊, 但支鏡有分早期同後期版本, 後期版係 fix 過 Chromatic Aberration(CA), 我手上有一支新版, 用落都唔太覺有紫邊. 支鏡係 Sony Zeiss 唔係正宗 Zeiss, 但發色上保留 Zeiss 風格, 同大家用開既 Sony 或 Tamron 鏡係有分別, 個人經驗係低光或夜景色水比 GM 鏡更有氣氛. 對焦和抗耀光只屬中規中舉, 用在 A7 IV 上對焦就無問題, 舊機可能少少慢. 留意支鏡係高階鏡既全金屬設計會容易花, 同埋無防水防塵. 對我來講最大缺點係最近對焦距離得 0.5m 並不太足夠.

8. Sony 85mm F1.4 GM 我覺得銳利度和對焦, 反而唔夠 55 F1.8 好, 係光圈大 d 但貴.

9. Sony 28-70mm F3.5-F.6.3 kit 鏡. 坦白講, 係網上呢支絕對係 underrated, 如果大家第一次買 FF 機無錢出鏡頭可以買佢頂住先, 我用過二次都滿意(一次室外和一次室內), 由 28 到 70mm 有咁既質素算好抵架啦, 唔好要求太高, 28mm 仲有 F3.5

10. Sony 24-240mm F3.5-F6.3 依支又無網上講得咁差. 係光圈跌得太快, 是一支日光鏡, 同埋 150~240mm 畫質偏向 soft. 我用過二次都滿意(一次室外和一次室內), 其實 100mm 以內都算清既,  有 24mm 又有 OSS 算係咁, 最多對焦略為差少少. 而家出左 Tamron 28-200mm f/2.8-5.6 就無得講, 大家同價位係 Tamron 果支好 d 既, 但如果搵到二手平係可以入 24240 作為一支外影鏡, 除非影埋室內先要買 Tamron 28-200mm f/2.8-5.6
本帖最後由 viewfinder 於 2023-4-27 10:34 AM 編輯

11. Sony 85mm F1.8: 呢支平價定焦鏡, 經我再三測試後發現都 ok. 三千零蚊有咁質素已經好好, 又不能要求太過份. 清晰度佢都唔錯, 係發色太平淡無味. 對焦都快, 但低光對焦可能差一點. 以佢個價, 如果不是作為主力鏡, 只是想要有一支 85mm 大光圈作後備, 佢係首選.

12.  Sony 50mm F1.2 GM: 呢支係一流既. 畫質好, 對焦快. 咁萬五六蚊 overpriced 左, 只係值萬一二.
本帖最後由 viewfinder 於 2022-11-20 05:14 PM 編輯

13. Sony 12-24 F4 G: 我覺得支鏡除左對焦好之外, 清晰度和變型控制都唔算好理想, 但畢竟只係 G lens 又唔能夠話佢差, 只可以講中規中舉. 以呢個價錢係比較貴, 我會建議買 Sigma 14-24 F2.8 除非一定要 12mm.

14. Sony 14MM F1.8 GM: 支鏡依呢個價 $9xxx 係相當不錯. 設計上為左過份輕細, 令質素有些少損失, 我寧願佢做返大少少和重少少. F1.8 光圈全開已經清和可用, 但最佳光圈應該落在 F2.8, 不過低光時 F1.8 可以放心照用唔洗擔心. 對焦和變型控制都不錯.

15. Sony 12-24 F2.8 GM: $17k 絕對 over-priced. 但不論係清晰度, 對焦和變型控制都唔錯, 但始終 12mm 太 wide 變型控制有時上下左右都有走樣, 要靠機身修正或 RAW 檔修正. 比較嚴重既係即使以呢個價錢, 邊位全開光圈下仍然有曚既情況出現. 但以體積和重量以呢個 spec 講算細支. 12mm 比起 14mm 又真係 wide 少少, 但得 F2.8 係唔夠 14GM 抵玩, 且 14GM 定焦鏡係清少少又無咩嚴重變型或邊角暗病. 如果 12-24GM 肯做返大支 d 和重 d, 應該可以修正以上問題, 有時 Sony 係過份追求了輕便.
本帖最後由 viewfinder 於 2023-5-5 08:44 AM 編輯

16. Sony 20mm F1.8 G: 用過後覺得唔錯, 唔怪得網上以前幾多人推. 一渣上手好輕細, 畫質都銳利, 對焦都快而準, 足 F1.8 光圈的確比 Tamron 17-28 F2.8 壓低一半 iso 之餘可以再低多少少 iso. 但 20mm 個人覺未夠 wide 又唔夠 tele, 比較雞肋既一支鏡, 個人會寧可洗多 d 錢入 Sony 14mm F1.8 GM, 但總括支鏡係對得住佢個價.

https://www.youtube.com/watch?v=Nb3KNZ-Tx4k&t=997s
我最後入手左呢支 20 1.8 鏡頭, 原先一直考慮 Sony 24mm F1.4 GM 或 Samsung 24mm F1.8 或 Batis Zeiss 25mm F2. 但 24mm GM 中心畫質正如片中 11:16 所講, 或我親身經驗的確 F1.4 唔夠 sharp(都 sharp 但唔界手), 要收到 F2.8 或更細光圈先會好 sharp. Batis Zeiss 25mm F2 雖然保留 Zeiss 討好發色, 但呢支鏡先天問題係好 soft 唔夠清, 所以不考慮, 價錢亦唔平就算二手.

https://www.youtube.com/watch?v=XoTr_GvBIKY&t=591s
Samsung 24mm F1.8 銳利度比 24 GM 差dd, 但對得住佢個價有突, 問題 Samsung 一向近距 focus 表現差包括呢支, 所以不考慮. 11:03 見到佢影近野得正中心 sharp, 邊位同角位都曚.

講吓我正式實戰完一輪 20mm F1.8 先. 支鏡中心位比 24mm F1.4 GM 更 sharp, 只係邊位同發色上唔夠 24 GM 好. 鏡身設計同用料, 基本同 24 GM 完全一樣, 可視佢為一支 mini GM. 對焦用新 focus motor 比 24 GM 更快, 感覺上極低光下對焦準確度偶然少少不穩(網上見有其他人提及), 不影響一般使用. 變型得超少, 始終 20mm 未到 ultra-wide. 鏡頭新 coating 紫邊比 24 GM 更少接近無. Overall 黎講以而家市價, 呢支鏡係 ok 既. 佢有好多地方勝過 24 GM, 外觀同 24 GM 一樣, 純粹得 F1.8 無 F1.4 mark 做 G lens, 但大家係可以當佢 GM 鏡咁用.

咁點解我要買佢. 因為 24 GM 同 Batis 25 有點貴, 兩支鏡都舊, 好多地方表現不如而家 d 新鏡, 對唔住佢地個價. 雖然 20mm 論 wide 鏡係有點兒唔夠 wide, 但再對落得 Sony 14mm F1.8 GM 又太 wide 得滯(雖然都有需要用, 但唔係經常性), 而且價錢都唔平. 呢支論性價比係高. 但最後都要講吓佢缺點, 主要係兩方面:

1. 色水唔靚. 支鏡係傳統 Sony 電子色, 對比 + 飽和度都過高, 要下調.
2. 過渡銳化. 支鏡 details 位真係有既, 但個銳度唔自然, 好似重手後製落左 sharpness filter 咁. 以 Sony Zeiss 55mm F1.8 為例人地銳度一樣咁高(其實仲高少少), 但可以影出黎係十分柔和 & 自然. 20 1.8 插落 A7 IV 機身, 最好 clarity 同 sharpness 都下調一格.

個人認為 24 1.4 GM 色水略為自然, 銳利度既過渡方面都顯得自然. 因此我覺得除左 20 1.8 用左新 focus motor 對焦比 24 1.4 GM 快外, 整體仍然 24 1.4 GM 優勝. 不過 20 1.8 價錢相對平宜, 亦都較為細支同輕, 20mm 我個人都比較喜歡, 因此未必會轉 24 1.4 GM.
純粹吹吓水. 因為對呢兩支鏡興趣不大. Samyang 有 35-150 F2 - F2.8 打 Tamron 35-150 F2 - F2.8, 但個人未必會買或者試, 因為兩支鏡太重. 我地約 model 影相或者報影會, 最低 1.5hrs 起跳, 呢兩支野手持拍攝最多捱半個鐘, 之後都係要狂推快門防手震, 變相完全抵消大光圈優勢, 但俾多好多錢. 實用上都係買返 24-70 或 28-75 既恆定 F2.8 最實際.
Insider HD 登陸次世代主機:


唔歡迎任何無意義形式的技術同器材交流. 唔洗 PM 問我.
本帖最後由 viewfinder 於 2023-10-7 01:14 PM 編輯

最新我入左支 Sony 14mm F1.8 GM 試. 原本想貪平入 Viltrox 16mm F1.8 但考慮到低光對焦慢, 唔支持機身修正(adobe camera raw 有 profile, 但拍片要人手修正), flare 比較嚴重, 邊位變型比較嚴重, 加上睇大陸網消息原來零售版每批貨既質量唔穩定, 光學質素相對第一水 review 版亦有所下降, 所以最後無考慮. 不過以呢支鏡 $4.2k 行貨仍然係十分超值.

https://www.bilibili.com/video/B ... d34acc4bbad65118e1a
2:44 睇到 Viltrox 16mm 1.8 邊位變型都幾勁. 影相就無問題可以用 profile 修正, 但拍片要手動修正就好煩. 5:11 見到低光 AF 十分慢, 但片中用 A7III, 如果用 A7 IV, A7R5, A7c2, A7c R 相信速度會比較正常.

https://forum.xitek.com/thread-1975517-1-1.html
大陸論壇指出, 零售版光學質素無想像中好. 雖然對得住佢個價.

https://www.facebook.com/sharpestlight
要留意返香港 Viltrox 代理係有份名單, 有 d 鋪頭吹自己賣行貨, 其實無保養.

暫時試 14 GM 好滿意. 舊年用過落 A7c 覺得少少唔夠清, 原來 24MP 發揮唔晒, 用 A7 IV 33MP 明顯較銳利同 details. 變型同黑角控制十分好, AF 用左同 Sony 20mm F1.8 一樣既雙 motor 低光對焦十分高速和可靠. 似乎進光量比 Sony 20mm F1.8 略微多 0.33EV, 但只係感覺上, 唔肯定. 入左呢支我考慮放 Sony 20mm 1.8, 等用落之後再決定. 始終支鏡好貴, 對我來講有少少殺雞用牛刀. 如果覺得都係無需要會賣返走, keep 返 20 1.8(呢支的確性價比高) 另外再入 Viltrox 16 1.8