貓貓 - Powered by Discuz! Board

標題: [Android] 大家會唔會出 5" Sony/HTC/Samsung 手機呢? [打印本頁]

作者: viewfinder 時間: 2012-11-27 01:11 PM 標題: 大家會唔會出 5" Sony/HTC/Samsung 手機呢?

HTC 有 DLX/J-Butterfly/Droid DNA
Sony 有 Yuga/Odin
三星有 s4

都係 5" 1080P ... 大家會揀邊一部呢?

作者: ddddddd 時間: 2012-11-28 03:41 AM

價位點樣?

作者: viewfinder 時間: 2012-11-28 11:45 AM

肯定全部都 5.6k ~ 6k 水平架喇

作者: ktenr 時間: 2012-11-29 03:29 PM

其實點解大家都咁鐘意追手機既??我有得用就算

作者: viewfinder 時間: 2012-11-29 08:41 PM

本帖最後由 viewfinder 於 2012-11-29 08:48 PM 編輯

4# ktenr

你個心態其好, 可以慳返唔少...... 追得太貼, 真係好多錢

不過好多人使用量係明顯多左, 好多手機未能滿足呢班高用量用家: lcd 質素, 性能, 電力, 穩定性, 重量...... 而家 d 手機貴得幾唔合理, d 人投入資金多左, 又反過來提高使用量(否則覺得俾咁多錢唔抵), 令情況惡化. 一個 loop.

而家手機演變成社交話題同潮流文化. 大家出來傾計都會講邊個 app, 邊架手機. 仲有而家 d 機都五顏六色玩潮, 以便你拎住係街, 配搭服裝出街. 唔係好似以前, 手機就一架手機, 只係講電話, 講完就只會袋埋佢. 好多人可能因此當手機係一種裝飾, 等如杉唔想日日著返同一件, 鐘意一陣換款.

隨住而家硬件同 os 開始完善, d 人最多追埋出年, 開始唔洗點追.

作者: ktenr 時間: 2012-11-30 01:52 AM

引用:

4# ktenr

你個心態其好, 可以慳返唔少...... 追得太貼, 真係好多錢

不過好多人使用量係明顯多左, 好多手機未能滿足呢班高用量用家: lcd 質素, 性能, 電力, 穩定性, 重量...... 而家 d 手機貴得幾唔合理, d 人投 ...
viewfinder 發表於 2012-11-29 08:41 PM

估唔到依家手機都可以有FASHION用途,真係勁

作者: viewfinder 時間: 2012-12-1 03:08 PM

6# ktenr

呢方面 Sony/Nokia 最明顯.

iphone/三星主要玩換 case.

作者: viewfinder 時間: 2012-12-2 03:29 PM

本帖最後由 viewfinder 於 2012-12-2 03:52 PM 編輯

講返主題. HTC 5" 香港應該一月先有, Sony 最快三月, 三星未知.

1080P 似乎最大分別係睇字清, 上網和睇小說好. 普通用, 唔係對文字有強烈需求(whatsapp 果 d 唔需要), 720p 基本夠用. 所以暫時 Note2 仍然係比較好, 主要係粒電夠堅, 又可以換電. 如果近視深, 或者成日要睇字, 就考慮 1080P.

HTC 5" 不可換電(Sony 應該一樣). 雖然新一代 JDI 5" IPS panel 真係比以前慳電, 但根據外國好多 HTC 5" 用家指出, 只係比預期中慳電, 仍然無可能夠 Note2 fight, 重用量都係頂唔到一日. 所以刷 rom 慳電仍然係小不免 -_-

後話 HTC:
HTC 我個人覺得間公司, 真係好難做落去, 再搞唔掂, 過多一二年可以汁笠. HTC 定位已經太高不成, 低不就.

Sense 雖然幾好用, 但大食, 導致對 CPU/RAM/電需求高, 唔可能出中/低階手機, 因為硬體頂唔住. 低階比大陸山寨霸晒, 就算山窠都開始唔掂, 大陸人開始有錢都少左人買山寨. 中階有華為魅族果 d.

咁 HTC 得高/中高階可玩. 但呢個 market 對手正是 iphone 三星 Sony. HTC 又唔夠佢地鬥. 因為 HTC 本身都係代工廠, 買料整機, 其實同大陸公司分別唔算太大. iphone 有自己既硬件 os 專利. 三星全部自己生產. Sony 有最好既美工設計. HTC 只係得返 Sense 係佢最大優勢, 但係 google 又可以係咁抄 sense, HTC 又吹佢唔漲.

同埋而家買料, 已經開始分別唔大. 好多公司都係買 sony cam(iphone, 三星, asus padfone2, LG N4, 魅族). 第日 5" IPS 應該好多都係用 JDI. cpu 又係全部高通 s4. HTC 優勢真係無. 佢仲要玩縮骨 cut 插卡換電...... 搞到自己死

而家好多人支持 HTC 都係鐘意 sense, 天線 radio 唔錯(三星 gs3/note2 開始追上). 先前 One X 第一個用 4.7" IPS 720p 都幾多人支持(但佢又太多壞機, 搞到口碑唔得). 而家佢都第一個用 5" 1080P(唔計 Sharp 出左架山寨 5" 1080P), 但 Sony/三星都跟緊跟隨其後.

作者: mtr1202 時間: 2012-12-3 10:49 AM

其實以上幾個牌子既機硬件上都唔差，Sony有日系靚樣，HTC有個Sense，Samsung就多花樣
雖然唔知點解個個都近iPhone玩內置電，唔比換咭，真係貪拖住個尿袋好過癮咩

但係其實Android對某部份用家包括我黎講，幾睇重update呢樣野
有時有個新版本出，見到有一堆新功能，咁大家都會想有得升一齊用架啦，係呢個時候就有得分啦
Sony同Samsung都好積極都出update，特別Samsung，所以高階機都有得食4.1，大家一齊開心
相反HTC係呢樣野上拖得就拖，香港區永遠慢人十幾拍，問佢幾時有，都係話有就通知，但係其他地方出哂改好哂啦，仲有咩問題？以前反而最快係佢，都唔知搞乜

作者: viewfinder 時間: 2012-12-3 09:44 PM

Sony:
樣令我覺得真係 Sony, 祼機出街佢係好. Sony rom 一般, 好多細微 bugs, 有時唔係咁穩定. 佢主要資金投入左落 design 包括機外型和 UI/app 界面. 最唔鐘意 Sony 話音差. Sony 造工唔係咁得, 太多問題. 單係 mon 成日玩 A/B mon 已經唔掂. 用量唔高又唔係成日講電話, 唔介意穩定性, 貪令買 Sony.

HTC:
HTC 唔係唔好, 但 marketing 九流, 好似山寨廠 marketing

一路自己整死自己. Sense 唔錯, 而家仲買 HTC 大多數留戀 sense. 如果鐘意刷 rom, 刷 CM10/AOKP 其實好用過 sense. HTC rom 我覺得比 Sony/三星穩定. 話音唔錯. Sense rom 太大食, 導致唔夠 ram 成日 lag/kill apps. 本身係穩定, 但受限於 ram 令本來明明穩定, 變成唔穩定. 所以咁多人屌 HTC 唔加 ram(先前一路非但唔加 ram, 仲減 ram).

HTC 定價太進取. 迫人只可以上台出機, 或者去細鋪買. 令自己生意少左.

三星:
三星自 S3 和 Note2 開始, 好多地方得到改善. 造工唔錯. 以前天線差, 待機食電同話音問題有改善. Rom 係 XDA 搶左好多高手, 開始漸見成績. 以前三星 rom 最廢, 而家開始都 ok. 其實 kernel 已經超越 Sony/HTC, 省電方面寫得仲好, 收買 XDA developers 見效. Cam 用 Sony 8M sensor, 加上都 tune 得唔錯. S3/Note2 影相拍片都 ok. S3/Note2 我覺得唔錯, 對大多數人來講仲幾好用. 家上而家三星好賣, 放二手價都高.

更新:
Update 其實所有手機, 香港代理都係慢人幾拍, 不過 HTC 係最慢之一, Sony 最快. 肯 root 機, HTC 其實唔緊要, 鈦備份 backup 刷官方 RUU rom, 唔洗等港行 OTA 更新. 無 root 直刷 RUU 唔介意無晒 data/app 都得既.

Android 更新相對 ios 重要好多. Android 手機無得更新好慘, Iphone 好多人反而選擇唔更新停留舊版(舊機昇級完, 好多新功能用唔到, 仲慢左). Android 玩多功能, 每次大更新都有新野玩. 加上 os 大食, 每次更新 google 順手 tune 速度同穩定性, 更新對 android 友係十分期待. Apple 重點係 app 質素/數量, OS 唔係佢重點地方. 而家二邊基本優勢都係好清楚, android OS 功能強, ios apps/games 質量強. 不過 android 更新到家吓, 4.0.4 開始已經 ok. Jelly Bean 直頭連掃 mon 速度都追上 ios, 十分好. 所以 JB 開始, 我覺得有無得更新, 已經開始無咁重要. 但如果有手機無得上 JB, 就真係一個好嚴重問題.

=================================
講返 5", 其實我個人傾向高低檔配搭. 4.x 手機加一架 7.x 平版, 所以 5" 1080P 我都係考慮出唔出, 無奈 4.x/7.x 都未有 1080P. 不過一般人, 想一機走天涯, 都係一架 5.x 方便 d.

智能手機已經比 Apple/三星食晒. 二線品牌無咩出路, 不約而同地主打 cam, 音樂手機, design 呢幾樣野. 你睇 Sony HTC Nokia 就知. HTC 自從 One S, HTC J, J-Butterfly/DLX/Droid DNA 都開始 design 返好睇 d, 無以前咁薯. Nokia Lumia 920 個 design 都幾乎合年輕人口味. 大陸三四線就更加只能打價格戰.

歡迎光臨貓貓 (http://insider-hd.com/)