[轉帖] Apple 內部電郵公開!原來 Steve Jobs 後來也對 7 吋平板改觀

本帖最後由 tonycheng 於 2012-8-6 01:03 AM 編輯

眾所週知,教主 Steve Jobs 生前並不看好 7 吋平板電腦,曾公開批評 7 吋平板電腦毫無優點,更稱「9.7 吋螢幕是能夠打造出好的平板電腦 Apps 的最小尺寸」!不過,近日在 Apple 和 Samsung 的專利戰中透露出來的消息,原來 Apple 內部有談論過 7 吋平板電腦的市場及體驗,教主 Steve Jobs 後來也對 7 吋平板電腦改觀,並且“十分接受”。

在去年 1 月份,Apple 網絡軟件及服務部高級副總裁 Eddy Cue 向 Apple 管理團隊 Tim Cook、Scott Forstall 和 Phil Schiller 分享了 GigaOM 網站的一篇文章,並表示自己動手玩過 Samsung Galaxy Tab 之後,開始同意文章中的一些評論:
"用咗陣 Samsung Galaxy 平板電腦,我開始傾向同意下面篇文章的多個評論觀點。我覺得 7 吋螢幕的平板電腦還是有市場的,我們應該做一個出來。我從感恩節開始,就已經多次向 Steve Jobs 表達我的看法,最終他也十分接受。我覺得在 7 吋平板電腦上讀寫電郵、閱讀電子書、上 Facebook 以及觀看影片都十分不錯。雖然瀏覽網頁的體驗較為弱,但也能夠接受。"

這條來自 Apple 內部的電郵證實 Apple 從去年就已經對 7 吋螢幕的 iPad 十分感興趣,結合近期不斷傳出的 iPad Mini「風聲」,我們能否在下一場 Apple 發佈會上見到迷你版 iPad 呢?一起期待吧。

來源:Unwire.hk



我就唔係幾鐘意Apple咁做啦 話哂佢都成日講話自己唔抄人地  點知......
真正發明佢好多未必第一個, 只係應用方面好多時第一. 食正頭啖湯, 後面追既人抄係無法避免. 人地追到咁上下, Apple 唔可以當 Android 傻仔只識抄, 人地會諗自己既生存之道. 而家開始 Apple 抄 Android, 果 d 佢又隻字不提囉.

十吋平版個理論, 我都認同. 問題係現有科技, 仲未能解決十吋平版過重既問題. 所以好多人會放棄 "體驗" 以換取流動性. Android 十吋佢唔夠 ipad 打, 唯有係七吋落手. 十吋平版鬼佬佢地大隻, 手掌大夠力仲可以勵強一用. 但係亞洲人普遍都難以渣得耐, 好倦的. 所以好多香港人塊十吋平版都好少用.

手機佢應該加大 size 又唔做, 平版應該縮細 size 又唔做. Apple 根本同 market 脫晒節, 佢又要一路扮領導姿態, 鐘意唔跟 market. iOS 而家都唔見有咩新野, 反而 Android OS 一路有改進. 其實 Apple 只係靠先前打下既江山, apps/games 多既優勢繼續維持. 係我角度睇 Apple 停左創新, 所以佢而家不停去告人, 驚人地發展追上來, 好煩的..... 好心佢自己花多 d 功夫搞下創新, 做返好自己本份仲好.

不過 Android 亦的確要有電腦底, 因為唔刷 rom 係好多問題. 太慢太食電, 太多 bugs.
Insider HD 登陸次世代主機:


唔歡迎任何無意義形式的技術同器材交流. 唔洗 PM 問我.
其實講真Google對Android加咗限制!
Android係最好表現嘅30%
本帖最後由 viewfinder 於 2012-8-6 03:06 PM 編輯

又唔可以咁講, 個問題太多原因, 唔係咁易解釋.

寫一個 OS 絕對唔係易, 睇下 MS 用左幾多年先整到 XP/Win7?

iOS 本身亦都唔係好, 只係佢簡單易用. 當佢開始學 android 搞多功能, 自己都不停中招, 唔好得過 android 幾多. iOS5 開始都多左 hang 同埋慢左又多 bugs. Android 本身係 linux, 一開始就多功能, 除左 google 自己, 其他人好難駕馭佢.

咁呢個又去到商業層面, 唔係技術問題. 因為除左三星, 其他公司係 android 搵錢能力有限, 根本無法投放咁多資源去優化 ROM. 三星本身專注硬件, 唔係軟件, 雖然三星係 Android 搵到好多錢, 又懶得理. 就算我當你真係肯放本落去 ROM, 好似早期 HTC, 結果又如何? 咪又係俾 google 自己抄返. GB/ICS 都抄左好多 HTC Sense 功能.

所以 d 廠見搵錢唔多, 無錢寫 rom. 就算你寫左, 轉頭又俾 google 抄. 形成 android 一個惡性循環, 而家 d 廠唔肯亦無錢寫 rom. 用家就日日投訴. 所以而家你一係買親生仔, 一係自己刷 rom. 再唔係唯有買 Apple. 我暫時未用過一架 android 機, 用官方 rom 係滿意.
Insider HD 登陸次世代主機:


唔歡迎任何無意義形式的技術同器材交流. 唔洗 PM 問我.
不過主打易學既iOS吸引左好多電腦白癡用
咁事實大多數人電腦唔叻, 就算玩開電腦亦會俾 android 搞到一頭煙. 智能手機最重要係 app/game 多, 呢方面 ios 仍然最好.

對於當正智能手機, 係一架電腦既玩家一族. ios 太少功能, 反而仲難用.
Insider HD 登陸次世代主機:


唔歡迎任何無意義形式的技術同器材交流. 唔洗 PM 問我.
好心Android個教學唔好得點用keyboard啦-_-