viewfinder

android 生態係亂, 主要原因係俾三星侵蝕太多, 其他公司根本搵唔到錢寫 ROM. 生態環境極唔平衡. 而三星自己搵到錢, 都係唔肯寫 ROM 變相不斷拖 android 後腿....

不過 d app 行得唔好, 主要都係個 ROM 寫得唔靚. 其實唔太關 android 系統事, 因為同一個 app 你搬落親生仔上 run, 多數就無咩問題! 所以 google 曾經考慮學 ios, 自己搞掂晒 os 佢, ICS 開始都加多左限制. 先前有傳年尾俾五間公司出 Nexus 手機. 而家又已經出左 Nexus7 平版, 仲有收左 Xperia S 做仔.

iphone 而家要壓返 android, 唔係難, 只係教主死左開始亂. 佢仍然搵到最多錢, 無危機感, 教主死左亦都放慢步驟, 因為再無太多皇牌, 唔想太早露底牌. 慢慢 ip6 ip7 ip8 出d 出d....... 佢其實只要肯放下身段, 出多 4.x 5.x 二隻 model 比人揀. 每個人隻手大細唔一樣, 點樣叫合適, 每個人心中把尺亦唔同. ios 整返好 bluebooth, 搞返掂 email 附件, 加返 widget 仲有多工, microSD/可換電. 唔洗點, android 高檔即時死晒轉晒去 iphone. 4s 3.5" 再來個大減價, 打壓埋中下價 android.

由於佢一開始玩得太串, 要佢食言, 而家好難返轉頭. 市場已經證明 android 呢 d 賣點是對的, Apple 無必要再堅持. 佢而家主要自尊心作怪, 同自己作對, 同錢作對無意思, 雖然佢已經有太多錢. 其實教主死左, 就已經係時候放寬返, 睇佢而家都已經曲線地整個 4" 出來..... 其他野再破例都無咩所謂了.

但站在消費者立場, 始終一家獨大都唔係好事.

tonycheng

所以如果apple真係改左既話
呢個世界就冇哂特色既野

viewfinder

ios 主要係 app 質量好, UI 順(JB4.11 已追到同一水平), 易學 d(因為 cut 左好多功能). 其餘我唔覺得邊忽好過 android, 好多細微/基本/重要 os 功能, ios 都無!

不過對大多數人來說, 呢三點的確係比較重要. 所以佢賣得. 加上玩名牌效應, 撞正大陸人最鐘意呢套.

tonycheng

其實好多細微既野apple冇公開
jailbreak之後都有好多野set

viewfinder

JB 完先等如 android 未 root, 分別仲係幾大....

佢都仲係 miss 左幾多功能, 要用 app 加返上去, 倒頭來慢返. 以前智能手機 cpu/ram 未得, ios 咁做好正常, 為左速度/穩定, 放棄多功能和多工. 但而家 cpu/ram 已開始由唔夠用, 進化到過餘既情況, ios 無必要再咁樣限制法.

相反由於而家 cpu/ram 已開始足夠, android 缺點(慢)就開始變成優點(多功能). 所以而家愈來愈多人轉用 android.

tonycheng

不過iOS啟動app既速度仲係快過android好多!

viewfinder

http://tw.myblog.yahoo.com/yh-ch ... 5&l=f&fid=1
android app 啟動係慢, 可能佢始終係 java 既產物之一, java 就一定慢. 不過 google 當初睇中易學易寫, 快速增加自己 apps 數量同 ios 打, 雖然慢.... 但覺得硬體總會有追上既一天.

一般 app 支援度而家分別唔大, android/ios 二邊都有. android 我最鐘意 studiokuma call, 無左佢咁有效地擋廣告電話真係唔得. 一般人如果玩 apps 唔多, 只用 d 大路, 咁其實無需要用 iphone. 我始終覺得而家 d 人長時間用, 大 mon 係十分重要, 對眼真係好有問題.

tonycheng

用java仲有個唔好處就係唔統一